اولمپک چیمپئن ارشد ندیم کیلئے عالمی جریدے فوربز کا اعزاز
لاہور(سپورٹس ڈیسک)اولمپک گولڈ میڈلسٹ ارشد ندیم کو پیرس اولمپکس 2024 میں تاریخی کارکردگی کے بعد فوربز انڈر 30 ایشیاء کی فہرست میں شامل کر لیا گیا۔
پیرس اولمپکس میں 28 سالہ ارشد ندیم نے جیولین تھرو میں 92.97 میٹر کی تھرو کرتے ہوئے گولڈ میڈل جیتا تھا جس کو فوربز نے سٹننگ شو قرار دیا، جو کہ انفرادی سپورٹس میں پاکستان کا اب تک کا پہلا جبکہ 30 سال سے زیادہ کے عرصے میں پاکستان کا پہلا طلائی تمغہ تھا۔اولمپکس میں کامیابی کے بعد ان کو پنجاب اور سندھ سے 15 کروڑ 30 لاکھ روپے سے زیادہ کے کیش انعامات موصول ہوئے تھے ۔اس کے علاوہ حکومت نے اسلام آباد کی ایک سڑک کا نام ارشد ندیم کے نام پر رکھا جبکہ پاکستان پوسٹ نے یومِ آزادی پر ایک یادگاری سٹیمپ بھی جاری کیا تھا۔
روزنامہ دنیا ایپ انسٹال کریں
