ورلڈ ماس ریسلنگ چیمپئن شپ،اسامہ بٹ کاسلور میڈل
ملتان (سپورٹس رپورٹر)اسامہ بٹ نے منگولیا میں ورلڈ ماس ریسلنگ چیمپئن شپ میں پاکستان کے لیے سلور میڈل جیت لیا۔
تفصیل کے مطابق اکستان ماس ریسلنگ فیڈریشن کے ابھرتے ہوئے نوجوان کھلاڑی اسامہ بٹ نے ورلڈ ماس ریسلنگ چیمپئن شپ میں شاندار کارکردگی کا مظاہرہ کرتے ہوئے سلور میڈل حاصل کیا۔ یہ عالمی ایونٹ اس وقت منگولیا میں منعقد ہو رہا ہے ۔اسامہ بٹ، جو کہ ماہر کوچ محمد ابراہیم بیگ کے زیر تربیت ہیں، نے پہلے راؤنڈ میں منگولیا کے مقامی کھلاڑی کو شکست دی اور پھر دوسرے مقابلے میں قازقستان کے طاقتور حریف کو ہرایا۔ ان مسلسل فتوحات کے بعد انہوں نے فائنل تک رسائی حاصل کی۔فائنل میں اسامہ نے زبردست مقابلہ کیا، تاہم معمولی فرق سے گولڈ میڈل جیتنے سے محروم رہے ۔
روزنامہ دنیا ایپ انسٹال کریں
