فاسٹ بولرز کو انجریز سے بچانے کیلئے خصوصی پلان تیار
اسلام آباد(سپورٹس رپورٹر)نیشنل کرکٹ اکیڈمی میں فاسٹ بولرز کو انجریز سے بچانے کیلئے خصوصی پلان تیار کر لیا گیا۔
ذرائع کے مطابق نیشنل کرکٹ اکیڈمی میں فاسٹ بولرز پر خصوصی کام جاری ہے ۔فاسٹ بولرز پر مستقبل میں انجریز سے محفوظ رکھنے کیلئے ے کام پر فوکس ہے ۔فاسٹ بولرز کے ایکشن پر ڈائریکٹر ہائی پرفارمنس عاقب جاوید کام کر رہے ہیں۔ذرائع کے مطابق کھلاڑیوں کی فٹنس اور ڈائٹ پلان کے ساتھ فیلڈنگ ،بیٹنگ ،بولنگ اور سکلز پر کام ہوگا۔ محمد وسیم جونیئر کی تمام ٹیسٹ کلیئر آئے ہیں مکمل ٹریننگ کر رہے ہیں۔ وسیم جونیئر کو فٹنس کے حوالے سے کسی ایشو کا سامنا نہیں جس کے بعد انکے باولنگ ایکشن پر کام کیا جا رہا ہے ۔ عامر جمال اور حنین شاہ بھی نیشنل کرکٹ اکیڈمی میں سکل ورک میں مصروف ہیں۔دراز قد نوجوان فاسٹ بولر عاکف جاوید کے بھی بولنگ ایکشن پر کام کیا جا رہا ہے ۔
روزنامہ دنیا ایپ انسٹال کریں
