مچل سٹارک کا بابر کے جرسی نمبر 56کو ترجیح دینے پر دلچسپ تبصرہ
میلبرن (سپورٹس ڈیسک) آسٹریلوی فاسٹ بولر مچل سٹارک نے بابر اعظم کے جرسی نمبر 56 کو ترجیح دینے پر دلچسپ تبصرہ کیا ہے ۔
مچل سٹارک نے حال ہی میں بگ بیش لیگ کے ‘60 سیکنڈ سلوگ’ ویڈیو سیگمنٹ میں آسٹریلوی کرکٹر مچل مارش کے ساتھ شرکت کی۔ سیگمنٹ کے دوران مچل سٹارک سے پوچھا گیا کہ جب بابر اعظم نے سڈنی سکسرز کے ساتھ معاہدہ طے کیا تو انہوں نے ہمیشہ کی طرح اپنی جرسی نمبر 56 کو ترجیح دی، آپ اس حوالے سے کیا کہیں گے ؟ مچل سٹارک نے اس سوال کا جواب دیتے ہوئے کہا کہ مجھے لگتا ہے کہ انہوں نے مجھ سے بہت زیادہ معاوضہ لیا ہے ، تو شاید اس لیے انہیں یہ مل جائے ۔ واضح رہے کہ مچل سٹارک اور بابر اعظم دونوں اپنے اپنے ملک کی نمائندگی کرتے ہوئے 56 نمبر کی جرسی پہنتے ہیں، اس لیے جب سڈنی سکسرز کے ساتھ بابر اعظم نے معاہدہ طے کیا تو فرنچائز نے ان کے لیے ایک منفرد جرسی نمبر ‘056’ متعارف کروا دیا۔
