بھارت:3سال تک نابالغ کھلاڑی سے زیادتی پر فٹبال کوچ گرفتار
ممبئی (سپورٹس ڈیسک )بھارتی ریاست مہاراشٹر سے ایک کم عمر فٹبال کھلاڑی کے ساتھ 3 سال تک مبینہ جنسی زیادتی کا سنگین سکینڈل سامنے آیا ہے ۔
بھارتی میڈیا کے مطابق پولیس نے کم عمر کھلاڑی کو دھوکا دینے اور زیادتی کے الزام پر 36 سالہ فٹبال کوچ ابھجیت منڈل کو گرفتار کر لیا ہے ۔پولیس کے مطابق متاثرہ لڑکی نے 2023ء میں وسئی میں واقع کوچ کی فٹبال اکیڈمی میں شمولیت اختیار کی تھی۔پولیس کو شکایت میں بتایا گیا ہے کہ کوچ نے پہلے لڑکی کا اعتماد حاصل کیا اور پھر فٹبال میں بڑے مواقع دلانے کا لالچ دیا۔بھارتی میڈیا کے مطابق کوچ پر الزام ہے کہ اس نے گزشتہ 3 سال کے دوران متعدد بار لڑکی کو جنسی زیادتی کا نشانہ بنایا، اس دوران اس نے لڑکی کی قابلِ اعتراض ویڈیوز اور تصاویر بھی بنائیں جنہیں بعد میں بلیک میلنگ کے لیے استعمال کیا گیا۔
روزنامہ دنیا ایپ انسٹال کریں
