کامیاب آپریشن ،مرغی کی ٹانگ کی ٹوٹی ہڈیا ں جوڑدی گئیں
مصر میں حادثے کی شکار مرغی کی ٹوٹی ٹانگوں کو جوڑنے کیلئے ایک پیچیدہ آپریشن کیا گیا ہے
قاہرہ(نیٹ نیوز)تفصیلات کے مطابق مصر کے شہر مرسی علم میں گھر کی چھت سے گر کر ایک مرغی کی دونوں ٹانگیں ٹوٹ گئی تھیں، جس پر مرغی کا آپریشن کیا گیا اور اس کی ٹوٹی ہڈیاں جوڑ دی گئیں۔یہ اپنی نوعیت کا ایک عجیب و غریب آپریشن تھا، مرغی کی ٹوٹی ہڈیاں جوڑنے کیلئے کئے جانے والے آپریشن پر 7 ہزار مصری پاؤنڈ لاگت آئی۔ آپریشن کرنے والے ڈاکٹر محمد احمد نے بتایا کہ آپریشن سے قبل مرغی کا مکمل معائنہ کیا گیا تھا اور اسے بے ہوش کر کے آپریشن کیا گیا، یہ آپریشن ایک گھنٹہ 45 منٹ تک جاری رہا اور اس میں دو ڈاکٹروں اور ایک معاون نے حصہ لیا۔مرغی کا مالک سوئٹزرلینڈ کا باشندہ ہے اور مصر میں مقیم ہے ۔ آپریش کی خبر سوشل میڈیاپر آنے کے بعد صارفین کا ردعمل دلچسپ تھا ،ایک صارف نے لکھاکہ متاثرہ مرغی آپریشن کے بعد انڈے استعمال کرے جو کیلشیئم سے بھر پور ہوتے ہیں ۔
