تاریک تیزابی غار میں کن کھجورے کی نئی قسم دریافت
رومانیہ میں کئی برس قبل ایک تاریک اور باقی ماحول سے الگ تھلگ غار دریافت ہوا تھا
رومانیہ(نیٹ نیوز) جس میں اب ایک غذائی زنجیر کے اوپر بیٹھا عجیب و غریب کن کھجورا دریافت ہوا ہے جو اس مقام کا سب سے بڑا جانور بھی ہے ۔ دورافتادہ علاقے میں موجود مووائل نامی یہ غار بہت تاریک ہے جہاں دھوپ اور روشنی نہیں پہنچتی ۔ ماہرین نے غار کے اندر کا نظام ‘جہنم’ سے تعبیر کیا ہے جو خود انسانوں کیلئے جان لیوا ثابت ہوسکتا ہے ۔ اسی غار میں سب سے بڑا جاندار کن کھجورا ہے جس کی لمبائی 46 سے 52 ملی میٹر نوٹ کی گئی ہے اور یہ جانور غذائی زنجیر میں سب سے بلندی پر موجود ہے ۔ سائنسدانوں کے مطابق یہاں پائے جانے والا کن کھجورا فعلیاتی اور جینیاتی لحاظ سے اپنے دیگر ساتھیوں سے بالکل مختلف ہے ۔ لاکھوں کروڑوں سال میں یہ بالکل نئی نوع ہے جو اس سے قبل کبھی نہیں دیکھی گئی تھی۔
روزنامہ دنیا ایپ انسٹال کریں
