سکائی ڈائیور کی سیکڑوں فٹ بلندی پر دلیہ بنا کر کھانے کی ویڈیو
لاہور(نیٹ نیوز)پیراگلائیڈنگ ایک سنسنی خیز کھیل ہے جس میں حصہ لینے والے فضائی مناظر سے مبہوت رہ جاتے ہیں یا نہایت اضطراب کے ساتھ زمین پر اترنے کا انتظار کرتے ہیں۔
لیکن ایک سکائی ڈائیور اوسمار اوچوا کی ویڈیو وائرل ہو رہی ہے جو زمین سے سیکڑوں فٹ کی بلندی پر ناشتہ کر رہا ہے ۔ اوسمار نے سکائی ڈائیونگ کرتے ہوئے اپنے بستے سے پیالہ، دلیے کا پیکٹ، دودھ کی بوتل اور ایک کیلا نکالا۔اس نے باقاعدہ دلیہ بنا کر کھایا، کیلا بھی کاٹ کر ایسے کھایا جیسے کچن میں نفاست سے کام کر رہا ہو، لیکن وہ تو سکائی ڈائیونگ کر رہا تھا۔12 ستمبر کو انسٹاگرام پر شیئر کی گئی اس ویڈیو کو اب تک 3 کروڑ 20 لاکھ سے زائد مرتبہ دیکھا جاچکا ہے ۔صارفین نے ڈائیور کی اس کوشش کو ھیران کن قرار دیا ہے جبکہ صارفین اسے داد بھی دے رہے ہیں۔
روزنامہ دنیا ایپ انسٹال کریں
