آنکھوں پر پٹی باندھ کر شطرنج کی بساط ترتیب دینے کا ریکارڈ
کوالالمپور(نیٹ نیوز)نو عمر لڑکی نے آنکھوں پر پٹی باندھ کر شطرنج کی بساط کو تیزی سے ترتیب دینے کا عالمی ریکارڈ قائم کر لیا۔
ملائشیا سے تعلق رکھنے والی10 سالہ پنیتمالار راجہ شیکر نے آنکھوں نے پر پٹی باندھ پر شطرنج کی بساط کو ترتیب دے کر سابقہ عالمی ریکارڈ توڑ دیا۔گنیز بُک آف ورلڈ ریکارڈ میں جگہ بنانے والی پنیتمالار راجہ شیکر نے یہ ریکارڈ 45.72 سیکنڈز میں قائم کر کے سب کو حیران کر دیا۔میڈیا رپورٹس کے مطابق گنیز بُک آف ورلڈ ریکارڈ کو انٹرویو دیتے ہوئے 10 سالہ شطرنج کی کھلاڑی نے بتایا کہ اس کے والد اس کے کوچ ہیں اور وہ دونوں روزانہ سخت محنت کرتے اور اس کھیل کی پریکٹس کرتے ہیں۔میڈیا رپورٹس کے مطابق پنیتمالار راجہ شیکر ملک گیر ہونے والے مختلف ٹورنامنٹس میں بھی باقاعدگی سے حصہ لیتی ہے اور FIDE (انٹرنیشنل چیس فیڈریشن) کی رجسٹرڈ ممبر بھی ہے ۔
روزنامہ دنیا ایپ انسٹال کریں
