ماں بیٹی کا روپ دھار کر اسکی کلاس لینے سکول چلی گئی
ٹیکساس(نیٹ نیوز)امریکا میں ایک ماں کو اپنی بیٹی کا روپ دھار کر اسکے سکول میں داخل ہوکر کلاسز لینے اور ویڈیو ریکارڈ کرنے کے جرم میں سزا سنادی گئی ہے ۔
میڈیا رپورٹس کے مطابق ریاست ٹیکساس میں ایک ماں کو اپنا نقطہ نظر ثابت کرنے کیلئے اپنی 13 سالہ بیٹی کا روپ دھار کر سکول میں داخل ہونے اور ویڈیو بنا کر سوشل میڈیا پر پوسٹ کرنے پر رواں ماہ عدالت نے سزا سنا دی ہے ۔رواں ماہ امریکی ریاست ٹیکساس میں ایک عدالت نے کیسی گارسیا نامی خاتون کو 2021 میں پیش آئے واقعے میں مجرمانہ کارروائیوں پر چھ ماہ کے پروبیشن کی سزا سنائی اور 700 ڈالرز جرمانہ ادا کرنے کا بھی حکم دیا۔خاتون نے اپنی نوعمر بیٹی کے بھیس میں سان ایلیزاریو مڈل سکول میں کلاسز میں شرکت کی، یہ ظاہر کرنے کے لیے کہ کتنا آسان ہے ایک بالغ کے لیے سکول میں داخل ہونا اور خطرناک کارروائیاں انجام دینے میں۔
روزنامہ دنیا ایپ انسٹال کریں
