دنیا کی سب سے بڑی لفٹ، 235 افراد اکٹھے سوار ہوسکتے ہیں
ممبئی(نیٹ نیوز)فن لینڈ کی ایلیویٹر کمپنی نے 2022 میں ممبئی (بھارت) کے ایک تجارتی مرکز میں دنیا کی سب سے بڑی پسینجر لفٹ نصب کی جس میں اکٹھے 235 افراد سوار ہوسکتے ہیں۔
ایک سٹوڈیو اپارٹمنٹ جتنی سائز کی اس لفٹ کا وزن 16 ٹن ہے اور اسے 9 اسٹیل کیبلز سپورٹ کرتے ہیں اور اس میں 235 افراد ایک ساتھ عمارت کی اوپری منزل پر جا یا واپس آسکتے ہیں۔ کمپنی کی جانب سے اتنی بڑی لفٹ کی ڈیزائننگ اس طرح کی گئی ہے کہ اس جدید کنونش سینٹر میں لوگوں کے بڑے گروپ جو کہ عموماً شادی بیاہ یا پھر نمائش میں شرکت کیلئے اکٹھے سوار ہوسکیں۔25.78 مربع میٹر کے اس حیرت انگیز ڈیزائن اور انجینئرنگ کے نمونہ کی خاص بات یہ ہے کہ اس کمپلیکس کے اطراف موجود دلکش مناظر اور خوبصورت گارڈن لفٹ میں سفر کے دوران دیکھا جاسکتا ہے۔ لفٹ کا انحصار ایک اختراعی چرخی بیم سسٹم جو کہ 18 بڑی چرخیوں، 9 اسٹیل کیبلز اور اسٹیل کالمز کے اوپر فکس ریلز پر ہے۔
