پولیس نے مگر مچھ کو گولی ماردی ،لوگوں نے پکا کرکھالیا
سڈنی (نیٹ نیوز)آسٹریلیا کے ایک گاؤں میں کتوں کو کھانے والے مگر مچھ نے مقامی لوگوں میں خوف پیدا کر دیا تھا ،مقامی آبادی میں دہشت پھیلانے والے مگر مچھ کو لوگوں نے پکڑ کر مار ڈالا اور بعد ازاں دعوت کے طور پر پکا کر کھا گئے ۔
میڈیا رپورٹس کے مطابق شمالی آسٹریلیا کے گاؤں کے لوگوں نے کھارے پانی کے مگرمچھ کو روایتی تہوار کے دوران مار کر کھا لیا، مگرمچھ کی لمبائی 3.63 میٹر تھی۔یہ مگرمچھ اس سال کے شروع میں آنیوالے سیلاب کے بعد قریبی موجود دریائے بائنس میں چلا گیا تھا، مبینہ طور پر اس مگرمچھ نے مقامی لوگوں کے متعدد کتوں کو بھی مار کر کھا لیا تھا۔ اس مگرمچھ کی وجہ سے بچوں اور بڑے سمیت سب ہی لوگ خوف میں مبتلا تھے جس کے بعد مقامی لوگوں، بزرگوں اور زمینداروں سے بات کرنے کے بعد پولس نے مگرمچھ کو گولی مار کر ہلاک کیا۔
روزنامہ دنیا ایپ انسٹال کریں
