ردی میں سے خریدی کتابوں میں خفیہ فوجی معلومات نکل آئیں
اوساکا(نیٹ نیوز)چین میں ایک شہری کے ہاتھ ایسی کتاب لگ گئی جس میں فوج کے حوالے سے خفیہ معلومات درج تھیں۔
میڈیا رپورٹس کے مطابق محض ایک ڈالر کے عوض خریدی گئیں کتابوں میں سے ایک کتاب چینی فوج کی خفیہ دستاویزات نکلیں جس پر شہری نے فوراً متعلقہ حکام کو آگاہ کیا،چین کی وزارت برائے قومی سلامتی نے سوشل میڈیا پر ژانگ نامی ایک شہری کے اقدامات کی تعریف کی جس نے ایک سٹیشن سے کچھ فوجی کتابیں خریدنے کے بعد حکام کو فوراْ کتابوں میں موجود حساس مواد سے متعلق آگاہ کیا۔ژانگ نے معاملے کی سنجیدگی کا احساس کرکے ہاٹ لائن پر کال کی اور پھر دستاویزات کو متعلقہ حکام کے حوالے کردیا۔ وزارت نے شہری کے ذمہ دارانہ رد عمل کی تعریف کی اور تسلیم کیا کہ اگر فوجی راز برے لوگوں کے ہاتھ لگ جاتے تو حالات خراب ہو سکتے تھے۔
روزنامہ دنیا ایپ انسٹال کریں
