شاہ چارلس سوم نے نایاب نسل کی بکری کو شاہی خطاب دیدیا
لندن(نیٹ نیوز) شاہ چارلس سوم نے ایک نایاب سنہری نسل کی بکری کو شاہی خطاب سے نواز دیا۔گورنسے جزیرے سے تعلق کی بنا پر جانی جانے والی اس نسل کے پاس اب ‘رائل گولڈن گورنسے گوٹ’ کا خطاب ہوگا۔
بکری کو یہ خطاب شاہ چارلس سوم کے انگلش چینل میں واقع اس جزیرے کے دورے کے دوران دیا گیا۔ یہ خطاب دنیا میں کسی بھی جگہ اس نسل کی بکری کے لیے یکساں ہوگا۔نسل کی نمائندگی کرنے کے لیے منتخب کی گئی آٹھ سالہ بکری سمر ول ٹیمسِن کی مالکن ریبیکا مارٹن کا کہنا تھا کہ امید ہے خطابق کے بعد اس نسل کے متعلق آگہی میں اضافہ ہوگا۔شاہ چارلس سوم نے بکری کو خطاب سے نوازنے کے بعد تھپتھپایا اور اس کے ہلکے سنہرے رنگ کی تعریف کی۔بکریوں کی یہ نایاب نسل معدومیت کے خطرے سے دوچار ہے ۔
روزنامہ دنیا ایپ انسٹال کریں
