امریکا میں لگائی گئی دنیا کی سب سے بڑی پن
واشنگٹن(نیٹ نیوز)امریکی ریاست کینٹکی میں 21 فٹ اور 7 انچز لمبی تھمب ٹیک لگا کر دنیا کی سب سے بڑی پن کا گینیز ورلڈ ریکارڈ قائم کر دیا گیا۔
سنٹرل کینٹکی کی ٹرانزٹ اتھارٹی کے حکام کے مطابق جب ادارے کو الزبتھ ٹاؤن میں قائم ان کے ہیڈکوارٹرز کی تزئین کے لیے فنڈز جاری ہوئے تو انہیں بڑی پش پن لگانے کا خیال آیا۔ادارے کے ایگزیکٹو ڈائریکٹر اور سی ای او گلین آر کا کہنا تھا کہ فنڈز کا ایک حصہ اشاروں کی جگہ کے لیے مختص کیا گیا تھا ،انہیں فلوریڈا میں ایک کمپنی ملی لیکن انہوں نے اس کام کے لیے 1 لاکھ 9 ہزار ڈالر علاوہ شپنگ اور تنصیب کا مطالبہ کیا۔گلین اور ان کی تین افراد کی ٹیم نے یہ ٹیک خود بنانے کا فیصلہ کیا،بعد ازاں ایک ٹیم ممبر نے یوٹیوب پر ویڈیو دیکھی اور بالآخر 1360 کلو گرام وزنی اور 21 فٹ اور 7 انچ لمبی پن پایہ تکمیل کو پہنچی۔
روزنامہ دنیا ایپ انسٹال کریں
