گہرے سمندر کی مچھلی اچانک سوشل میڈیا پر وائرل
لاہور(نیٹ نیوز)حال ہی میں، کنزرویٹیو آرگنائزیشن کونڈرک ٹینیرائف کے محققین ٹینیرائف جزیرے کے ساحل سے تقریباً دو کلومیٹر دور شارک مچھلیوں کی تلاش میں تھے۔
جب انھوں نے عجیب غریب منظر دیکھا۔فوٹوگرافر ڈیوڈ جارا بوگونا نے سمندر کی سطح کے قریب ایک ہمپ بیک اینگلر فش کو فلمایا۔عجیب بات یہ تھی کہ یہ مچھلیاں پہلے کبھی دن کی روشنی میں زندہ نہیں دیکھی گئیں کیونکہ یہ عام طور پر 200 میٹر سے 600 میٹر تک گہرائی میں رہتی ہیں۔تصویر نے سوشل میڈیا پر صارفین کی جانب سے مختلف ردعمل کو جنم دیا ہے جس میں کچھ لوگوں نے مچھلی کو حقوق نسواں کے آئیکن کے طور پر بھی قرار دیا ہے ۔سوشل میڈیا پر آنے والے ان ردعمل سے ظاہر ہوتا ہے کہ گہرے سمندر کے بارے میں ہمارے خیالات جو کہ خوفناک ہوتے ہیں، آخرکار تبدیل ہوسکتے ہیں۔
روزنامہ دنیا ایپ انسٹال کریں
