معذوری پنشن کیلئے گونگے پن کا ڈرامہ رچانے والی لڑکی
اندلس(نیٹ نیوز)ایک ہسپانوی خاتون جو 16 سال گونگی کا ڈرامہ رچا کر معذوری کی پنشن وصول کررہی تھیں، بالآخر ایک نجی جاسوس کے ذریعے پکڑی گئیں۔
2003 میں سپین کے شہر اندلس میں ایک سپر مارکیٹ میں کام کرنے والی خاتون پر ایک گاہک نے حملہ کیا اور اس تکلیف دہ واقعے کے بعد خاتون میں پوسٹ ٹرامیٹک سٹریس ڈس آرڈر کی تشخیص ہوئی اور خاتون کو بولنے کی صلاحیت سے محروم قرار دیا گیا اور پنشن کا حقدار ٹھہرایا۔تاہم خاتون کچھ عرصے بعد صدمے سے نکلنے کے بعد بولنے کے قابل ہوگئی تھیں لیکن انہوں نے اسے پنشن کیوجہ سے چھپائے رکھا۔ انشورنس کمپنی نے کچھ سال پہلے کمپنی نے ایک پرائیویٹ جاسوس کی خدمات حاصل کیں جس نے دریافت کیا کہ عورت عام طور پر بولتی ہے لیکن اپنی معذوری کی ادائیگیوں کو کیش کرتی رہی ہے۔
روزنامہ دنیا ایپ انسٹال کریں
