ٹوٹا ہوا گملا1کروڑ سے زائد روپے میں فروخت
لندن(نیٹ نیوز)برطانیہ میں ٹوٹا ہوا گملا 19ویں صدی کے ایک فنکار کا گمشدہ شاہکار نکلا جو 66 ہزار ڈالرز (ایک کروڑ 85 لاکھ پاکستانی روپے میں نیلام ہوا۔4 فٹ کا گملا ایک باغ میں پایا گیا۔۔
جسے ہینس کوپر نے بنایا تھا جو 1939 میں جرمنی سے برطانیہ فرار ہوئے تھے اور 1964 میں جنوبی لندن کے کیمبر ویل سکول آف آرٹس میں پڑھا رہے تھے ۔لندن میں چِس وِک نیلام گھر نے گملے کو 6.7 سے 11 لاکھ روپے کے درمیان حاصل کرنے کا اندازہ لگایا تھا ۔ گملے کو کوپر نے 1964 میں ایک نامعلوم خاتون کلائنٹ کے ذریعے کمیشن کے بعد بنایا تھا۔ مالک نے اس گملے کو کئی سالوں تک اپنے قبضے میں رکھا یہاں تک کہ وقت کے ساتھ ساتھ یہ خراب ہوگیا۔ تاہم، خاتون نے گملے کو ضائع کرنے کے بجائے اسے جوڑا اور اسے اپنے لندن کے گھر کے عقب میں ایک باغ میں سجاوٹی پھولوں کے گلدان کے طور پر رکھ دیا۔
روزنامہ دنیا ایپ انسٹال کریں
