ہائی ویز کی بندش، گرمی میں پھنسی ادویات صحت کیلئے خطرہ
لاہور(نیٹ نیوز)ہائی ویز کی بندش کے باعث کئی روز سے دھوپ اور شدید گرمی میں پھنسے رہنے کی وجہ سے ادویہ کا بڑاسٹاک اور کیمیکلز اپنی افادیت کھو سکتے ہیں، جبکہ اس سٹاک کے مارکیٹ میں پہنچنے سے صحت عامہ کو خطرہ لاحق ہوسکتا ہے۔
سندھ پنجاب بارڈر پر رکے ہوئے کنٹینرز اور ٹرکوں میں ادویہ اور ادویہ سازی کے کیمیکلز بھی شامل ہیں،ماہرین کے مطابق اتنی طویل مدت تک دھوپ اور گرمی میں موجود ادویہ اور ادویہ سازی کے کیمیکلز صحت عامہ کے لیے خطرہ ہیں۔ ادویہ اور کیمیکلز کا معیار متاثر ہونے کی وجہ سے یہ مریضوں کے لیے خطرے کا باعث بن سکتے ہیں، ماہرین نے مطالبہ کیا ہے کہ ہائی ویز کی بندش کے دوران متاثرہ ادویہ اور ادویہ سازی کے سٹاک کو مارکیٹ تک پہنچنے سے روکا جائے اور ادویہ ساز کمپنیوں سے ریکارڈ حاصل کرکے سٹاک تلف کیا جائے۔
روزنامہ دنیا ایپ انسٹال کریں
