گھریلو پلاسٹک لاکھوں اموات کا سبب بن سکتی ہے :تحقیق
نیو یارک(نیٹ نیوز)گھریلو پلاسٹکس جو پانی کی بوتلوں، کھانے کی پیکیجنگ، شیمپو اور کھلونوں میں پایا جاتا ہے ، تحقیق سے پتہ چلا ہے کہ یہ ہر سال دنیا بھر میں لاکھوں دل کی بیماریوں کیوجہ سے موت کا سبب بن سکتا ہے ۔
ای بائیو میڈیسن جریدے میں شائع تحقیق میں صحت کے اعداد و شمار کا تجزیہ کیا گیا اور معلوم ہوا کہ ان پلاسٹکس نے 2018 میں 55 سے 64 سال کی عمر کے مردوں اور عورتوں میں 368,764 کیسز میں دل کی بیماریوں سے ہونے والی تمام اموات میں 13% کردار ادا کیا۔ ان اموات میں سے تقریباً 10% امریکا میں ہوئیں۔نیو یارک یونیورسٹی گراسمین سکول آف میڈیسن کی ایک ایسوسی ایٹ ریسرچ سائنسدان سارہ ہیمن نے ایک بیان میں کہا کہ ہمارے نتائج اس بات کے وسیع ثبوت پیش کرتے ہیں کہ یہ کیمیکلز انسانی صحت کے لیے زبردست خطرہ ہیں،تقریباً 75 فیصد اموات ترقی پذیر ممالک میں ہوئیں ۔
روزنامہ دنیا ایپ انسٹال کریں
