سائنسدانوں نے زیرِ سمندر آتش فشاں سے خبردار کر دیا
لاہور(نیٹ نیوز)سائنس دانوں نے زیرِ سمندر موجود آتش فشاں کے پھٹنے کے متعلق انتباہ جاری کیا ہے ۔سائنس دانوں کے مطابق بحر الکاہل کے شمال مغرب کا سب سے فعال زیرِ آب آتش فشاں ایک بار پھر پھٹنے کی تیاری کر رہا ہے۔
البتہ اس بات کا کسی کو علم نہیں ہے کہ یہ کب ہوگا۔یونیورسٹی آف واشنگٹن کے ایک پروفیسر ولیم ولکاک نے ایک بیان میں کہا کہ وقت کے ساتھ آتش فشاں سطح کے اندر میگما بھر جانے کی وجہ سے پھول گیا ہے اور اگر وہ لوگ ٹھیک ہیں تو یہ بات دلچسپ ہوگی کیوں کہ یہ آتش فشاں اتنا پھول چکا ہے جتنا گزشتہ تین بار پھٹنے سے قبل پھولا تھا۔ یعنی اگر یہ خیال درست ہے تو یہ آتش فشاں کبھی بھی پھٹ سکتا ہے ۔ بحر الکاہل میں 5000 فٹ کی گہرائی میں موجود ایکسیئل سی ماؤنٹ نامی یہ آتش فشاں 1998، 2011 اور 2015 میں پھٹ چکا ہے ۔
روزنامہ دنیا ایپ انسٹال کریں
