صرف ڈبل روٹی اور جیلیز پر گزارا کرنیوالا برطانوی شہری
لندن(نیٹ نیوز)برطانیہ کے شہر لیورپول سے تعلق رکھنے والے 35 سالہ تھامس شیریڈن کی خبر منظرِ عام پر آئی ہے جو ایک نایاب ذہنی بیماری Avoidant/Restrictive Food Intake Disorder (ایرفیڈ کا شکار ہیں۔
اس بیماری کے باعث تھامس صرف مخصوص غذائیں کھاتے ہیں جن میں سفید ڈبل روٹی، سیریلز، مکھن اور Haribo جیلیز اور کچھ پروٹین سپلیمنٹس شامل ہیں۔تھامس روزانہ تقریباً دو ڈبل روٹیاں کھاتے ہیں اور پھل، سبزیاں، گوشت یا انڈے کھانے کی کوشش پر انہیں شدید متلی اور قے کا سامنا ہوتا ہے۔ایرفیڈ ایک ذہنی بیماری ہے جو مریض کو مخصوص کھانوں سے شدید نفرت یا خوف کی وجہ سے مخصوص غذاؤں کے علاوہ کچھ اور کھانے سے گریز کرواتی ہے۔ اس کا شکار افراد اکثر غذائیت کی کمی، سماجی تنہائی اور ذہنی دباؤ کا شکار ہو جاتے ہیں۔
روزنامہ دنیا ایپ انسٹال کریں
