بلاول پی ٹی آئی کو اجلاس میں لاسکتے ہیں تو لے آئیں:عظمیٰ
لاہور(دنیا نیوز)وزیراطلاعات پنجاب عظمیٰ بخاری نے کہا ہے کہ ہماری کئی بار درخواست کے باوجود پی ٹی آئی اجلاس میں نہیں آئی،بلاول بھٹوپی ٹی آئی کو کان سے پکڑ کر لاسکتے ہیں تواجلاس میں لے آئیں۔
لاہورمیں میڈیا سے گفتگو میں انکاکہنا تھا کہ ملک کو پانی کی کمی کا سامنا ہے مل بیٹھ کر اسکا حل نکالنا ہے ، سندھ کاپانی پنجاب کبھی نہیں پی سکتا ۔انہوں نے کہاوزیراعلیٰ مریم نواز عوام کی فلاح وبہبود کیلئے دن رات کام کر رہی ہیں،انہوں نے 30 لاکھ خاندانوں تک رمضان پیکیج پہنچایا، پنجاب میں جو کام نہیں کرے گا وہ گھر جائے گا، پنجاب حکومت نے فنڈ دیا ہے ،عوام کو مفت دوائیں دینی پڑیں گی۔ وزیر اطلاعات نے کہاہمیں انتہاپسندی کو ختم کرناہے ، غربت ،بیروزگاری اور تعلیم پر بہت کام کرنے کی ضرورت ہے ،کرسچین کمیونٹی کے بچوں کی تعلیم پر فوکس بھی بہت ضروری ہے ، وزیراعلیٰ مریم نواز نے منیارٹی کارڈ بھی لانچ کیا ،130سال میں پہلی بار کوئی حکمران مریم آباد گیا۔
