عمران خان کے بیٹے پاکستان آئے تو ویلکم کرینگے : بیرسٹر عقیل
لاہور(مانیٹرنگ ڈیسک)وزیر مملکت برائے قانون و انصاف بیرسٹر عقیل ملک نے کہا ہے اگر بانی پی ٹی آئی کے بیٹے قاسم خان اور سلیمان خان پاکستان آنا چاہتے ہیں تو حکومت انہیں ویلکم کرے گی۔
ایک انٹرویو میں انہوں نے کہا کہ حکومت کو بانی پی ٹی آئی کے بیٹوں کی پاکستان آمد پر رکاوٹ ڈالنے کی کوئی ضرورت نہیں اور حکومت اس حوالے سے ملاقات میں کوئی رکاوٹ نہیں ڈالے گی، تاہم انہوں نے کہا کہ بانی کے بیٹوں کو تو دو سال پہلے ہی آجانا چاہیے تھا لیکن وہ نہیں آئے ۔ بانی کے بیٹوں نے حالیہ انٹرویو میں کہا کہ ہم نے پاکستان کا ویزا اپلائی کیا ہے ،ہم نے تو پہلے بھی آفر کی تھی کہ 24 گھنٹوں میں ویزا دیا جائے گا، لیکن پہلے بھی ان کی جانب سے کوئی رابطہ نہیں کیا گیا تھا، والد سے ملنے نہیں آنا نہ آئیں لیکن جھوٹ تو نہ بولیں۔عقیل ملک نے ایک سوال کا جواب دیتے ہوئے کہا حکومت جسٹس طارق جہانگیری سے متعلق اسلام آباد ہائی کورٹ کے فیصلے پر عملدرآمد کریگی۔
