آپ کوئی بھی رنگ سوچیں حیران کن قلم اسی رنگ میں لکھے گا
امریکی انجینئرزنے حیرت انگیز پین بنایا ہے جسے کسی بھی رنگ کی شے پر کچھ دیر رکھا جائے تو وہ اسی رنگ میں لکھنا شروع کردیتا ہے ۔سکریبل سمارٹ پین ہراس رنگ میں تحریرکرسکتا ہے
سان فرانسسکو(نیٹ نیوز)امریکی انجینئرزنے حیرت انگیز پین بنایا ہے جسے کسی بھی رنگ کی شے پر کچھ دیر رکھا جائے تو وہ اسی رنگ میں لکھنا شروع کردیتا ہے ۔سکریبل سمارٹ پین ہراس رنگ میں تحریرکرسکتا ہے جو آپ سوچ سکتے ہیں اوراس کیلئے کچھ دیرتک پین کو اس شے پر رکھنا ہوتا ہے اور پھر قلم وہی رنگ اختیار کرکے لکھنے کیلئے تیار ہوتا ہے ۔ اس قلم کی قیمت 24 ہزار 900 روپے ہے ، اس میں حساس کلر سنسر نصب ہے ،مائیکروپروسیسر اس رنگ کو شناخت کرتا اور اس میں سمارٹ انک سسٹم وہی رنگ تیار کردیتا ہے ۔قلم اتنا حساس ہے کہ چیری، گلاب اور سیب کی سرخ رنگت کے درمیان امتیاز کرسکتا ہے اور ویسے ہی رنگ کی لائن کھینچ دیتا ہے ۔ اس کا سنسر سیکنڈوں میں مطلوبہ رنگ سکین کرکے عین وہی شیڈ اور رنگت میں لکھنے لگتا ہے ۔ اگر آپ کے گھر میں پودے ہیں تو یہ ان کا رنگ بھی بناسکتا ہے ۔
