برسیم ، لوسرن اور اگیتی جئی کی کاشت فوری شروع کرنے کی ہدایت
ماہرین زراعت نے کاشتکاروں کو ہدایت کی ہے کہ برسیم کی مخلوط کاشت سرسوں کی بجائے رائی گراس یا جئی کے ساتھ کی ...
فیصل آباد(اے پی پی)ماہرین زراعت نے کاشتکاروں کو ہدایت کی ہے کہ برسیم کی مخلوط کاشت سرسوں کی بجائے رائی گراس یا جئی کے ساتھ کی جائے اور اس سلسلہ میں 15 سے 20 کلوگرام فی ایکڑ معیاری بیج استعمال کیاجائے تاکہ برسیم کی بہترین مخلوط پیداوار حاصل ہو سکے ۔ انہوں نے بتایاکہ برسیم اور لوسرن کو پہلا پانی بوائی کے ایک ہفتے اور جئی کو تین ہفتے بعد دینا چاہیے ۔ انہوں نے کہاکہ کاشتکار برسیم اور لوسرن کا صاف ستھرا و معیاری 6 سے 8 کلوگرام بیج فی ایکڑ استعمال کر سکتے ہیں۔ انہوں نے بتایاکہ برسیم ، لوسرن اور اگیتی جئی کی کاشت فوری طور پر شروع کر کے 15 نومبر تک جبکہ جئی کی درمیانی و پچھیتی کاشت دسمبر کے آخر تک بھی کاشت کی جاسکتی ہے ۔
روزنامہ دنیا ایپ انسٹال کریں
