سریا 50 ہزار روپے ٹن سستا ، قیمت 2 لاکھ40ہزار پرآ گئی
اسلام آباد (خبرایجنسیاں )لوہے کے اسکریپ کی اسمگلنگ کے خلاف کریک ڈاؤن اور ڈالر کی قدر میں کمی کے بعد سریے کی قیمت میں بھی ریکارڈ کمی سامنے آئی ۔
سریے کی قیمت میں 50 ہزار روپے ٹن کی کمی ہوئی جس کے بعد فی ٹن سریے کی قیمت 2 لاکھ 90 ہزار سے کم ہوکر 2 لاکھ 40 روپے ہو گئی۔ تاجروں کے مطابق اگر پیداواری لاگت کم ہوں تو عام صارفین کیلئے بھی قیمتوں میں کمی آئے گی کیونکہ بجلی وگیس کے بل کی وجہ سے خریداروں کو تاحال کم ہی ریلیف ملا ہے ۔واضح رہے کہ رواں سال تعمیراتی سامان کی لاگت میں بے تحاشہ اضافہ ہو گیا ہے جس کے بعد تعمیراتی صنعت تباہی کے دہانے پر پہنچ گئی ہے ۔تعمیرات میں استعمال ہونے والے بجری اور سیمنٹ وغیرہ کی قیمتیں بھی آسمان پر پہنچی ہیں۔
روزنامہ دنیا ایپ انسٹال کریں
