ایس ایم ایز ، اسٹارٹ اپس کو قرضے فراہم کئے جائیں ،احسن ظفر
اسلام آباد (آن لائن )اسلام آباد چیمبر اور انٹرپرینیور آرگنائزیشن اسلام آباد نے مشترکہ کوششوں سے ایس ایم ایز اور اسٹارٹ اپس کو فروغ دینے کیلئے مفاہمت کی ایک یادداشت پر دستخط کیے اس سلسلے میں چیمبر میں ایک تقریب منعقد ہوئی ۔۔۔
جس میں اسلام آباد چیمبر کے صدر احسن ظفر بختاوری اور انٹرپرینیور آرگنائزیشن اسلام آباد کے صدر تیمور عادل نے مفاہمت کی یادداشت پر دستخط کیے ۔ اس موقع پر احسن ظفر بختاوری نے کہا کہ ایس ایم ایز معیشت کی ترقی میں کلیدی کردار ادا کرتی ہیں تاہم آسان قرضوں کی عدم دستیابی پاکستان میں ایس ایم ایز اور اسٹارٹ اپس کی ترقی کی راہ میں ایک بڑی رکاوٹ ہے لہذا دونوں ادارے باہمی تعاون کے ذریعے حکومتی حکام کو اس بات پر قائل کرنے کی کوشش کریں گے کہ ایس ایم ایز اور اسٹارٹ اپس کو سستے قرضے فراہم کئے جائیں تاکہ یہ کاروباری ادارے بہتر ترقی کر سکیں اور ملک کی معاشی ترقی میں فعال کردار ادا کر سکیں۔
