فلائی جناح کالاہور سے جدہ براہِ راست پروازوں کاآغاز
کراچی(بزنس ڈیسک)پاکستان کی کم قیمت فضائی کمپنی فلائی جناح نے سعودی عرب میں اپنے نیٹ ورک کی توسیع کا اعلان کیا ہے۔
جس کے تحت لاہور اور جدہ کے درمیان براہِ راست پروازوں کا آغاز کیا جا رہا ہے ۔یہ پروازیں 16 نومبر سے شروع ہوں گی اور ابتدائی طور پر ہفتے میں چار بار چلائی جائیں گی۔ 6 دسمبر سے ان پروازوں کی تعداد بڑھا کر "روزانہ" کر دی جائے گی، جس سے پاکستان اور سعودی عرب کے درمیان رابطے کو مزید مضبوط بنایا جائے گا۔فلائی جناح کے ترجمان نے کہا کہ ہم جدہ کے لیے اپنی نئی پرواز کے ساتھ سعودی عرب میں اپنی موجودگی کو مزید بڑھانے پر بہت خوش ہیں، جو ہمارے صارفین کے لیے زیادہ رسائی فراہم کرتی ہے ۔ یہ توسیع فلائی جناح کے اس عزم کو اجاگر کرتی ہے کہ وہ مسافروں کو مزید سستے اور بہترین سفری اختیارات پیش کرے۔
روزنامہ دنیا ایپ انسٹال کریں
