اسٹیٹ بینک کل ویمن انٹرپرینور شپ ڈے منائے گا
ملتان(این این آئی )بینک دولت پاکستان 19 نومبر 2024 کو ویمن انٹرپرینور شپ ڈے پاکستان بھر میں اپنے 16 فیلڈ دفاتر پر منائے گا ،
مرکزی تقریب اسٹیٹ بینک کراچی میں ہوگی ،گورنر اسٹیٹ بینک جمیل احمد کلیدی خطاب کریں گے ۔ تقریب میں بینکوں اور نان بینک اداروں کے اعلیٰ حکام اور ورکنگ ویمن ایسوسی ایشنز کے نمائندے معیشت میں خاتون آجرین کے اہم کردار کا اعتراف کرنے کیلئے جمع ہونگے ، ویمن انٹرپرینور شپ ڈے کی تیاریوں کے سلسلے میں اسٹیٹ بینک جولائی 24 سے اپنے اسٹیک ہولڈرز کے اشتراک سے متعدد سرگرمیاں انجام دے رہا ہے جس کا مقصد یہ ہے کہ خواتین کی زیر قیادت چلنے والے کاروباروں کیلئے سازگار ماحول پروان چڑھایا جائے۔
روزنامہ دنیا ایپ انسٹال کریں
