مشینری گروپ کی درآمدات میں 15 فیصد اضافہ ریکارڈ
اسلام آباد(اے پی پی)مشینری گروپ کی درآمدات میں جاری مالی سال کے پہلے 4 ماہ میں سالانہ بنیادوں پر 15 فیصد کی نمو ہوئی ہے۔
ادارہ شماریات اور اسٹیٹ بینک کے مطابق مالی سال کے پہلے 4 ماہ کے دوران مشینری گروپ کی درآمدات پر 2.708 ارب ڈالر زرمبادلہ خرچ ہوا جو گزشتہ مالی سال کی اسی مدت کے مقابلہ میں 15 فیصد زیادہ ہے ۔ گزشتہ مالی سا ل کی مدت میں مشینر ی گروپ کی درآمدات پر 2.350 ارب ڈالر زرمبادلہ خرچ ہوا تھا۔ اکتوبر 2024 میں مشینری گروپ کی درآمدات پر 694 ملین ڈالر کا زرمبادلہ خرچ ہوا ۔ گزشتہ سا ل اکتوبر میں مشینری گروپ کی درآمدات کا حجم 695 ملین ڈالر ریکارڈکیاگیا تھا۔ ستمبر کے مقابلے میں اکتوبرمیں مشینری گروپ کی درآمدات میں ماہانہ بنیادوں پر 2 فیصد کی کمی ہوئی ۔ ستمبر میں مشینری گروپ کی درآمدات کا حجم 711 ملین ڈالر ریکارڈ کیا گیا تھا جو اکتوبر میں کم ہو کر 694 ملین ڈالر ہو گیا۔
