شاہد اسلم کو پاکستان ٹیم کا بیٹنگ کوچ بنا دیا گیا
لاہور(سپورٹس ڈیسک)پاکستان کرکٹ بورڈ نے شاہد اسلم کی تقرری کی تصدیق کر دی۔پی سی بی کے ترجمان کا کہنا ہے کہ شاہد اسلم بیٹنگ کوچ کی حیثیت سے زمبابوے اور جنوبی افریقا جا رہے ہیں۔
انہوں نے کہا کہ پاکستان ٹیم کے لیے سپن بالنگ کوچ کی تلاش ہے ، کوچ کا جلد تقرر کیا جائے گا۔آسٹریلیا میں پاکستان کرکٹ ٹیم کے بیٹنگ مسائل کو دیکھتے ہوئے مستقل بیٹنگ کوچ کی تقرری کی گئی ہے ۔ذرائع کے مطابق شاہد اسلم کو عاقب جاوید کی سفارش پر کوچ مقرر کیا گیا ہے ۔شاہد اسلم ماضی میں کئی سال تک ٹیم کے سپورٹ سٹاف میں شامل تھے وہ بیٹرز کو پریکٹس کرانے میں شہرت رکھتے ہیں، وہ گھنٹوں تھرو ڈاؤن کرانے کی وجہ سے مشہور ہیں۔
روزنامہ دنیا ایپ انسٹال کریں
