انٹربینک میں ڈالر کی قدرکم،تولہ سونا400روپے مہنگا

کراچی(بزنس رپورٹر)انٹربینک میں جمعہ کو ڈالر کی قدرگھٹ گئی جبکہ اوپن مارکیٹ میں ڈالر مہنگاہوگیا،ادھرسونے کی عالمی اور مقامی مارکیٹوں میں قیمت میں مسلسل تیسرے دن اضافہ ریکارڈ کیاگیا ۔
اسٹیٹ بینک کے مطابق انٹربینک میں ڈالر 15پیسے کی کمی سے 278روپے 71پیسے کاہوگیا۔فاریکس رپورٹ کے مطابق اوپن مارکیٹ میں ڈالر5پیسے کے اضافے سے 280.99روپے پر جاپہنچا۔دوسری جانب عالمی بلین مارکیٹ میں سونا 2ڈالر کے اضافے سے 2705ڈالر فی اونس کاہوگیا۔بین الاقوامی مارکیٹ میں سونے کے نرخ میں اضافے کے باعث مقامی سطح پر بھی فی تولہ سونا 400روپے کے اضافے سے 2 لاکھ 82 ہزار 600 روپے پر جاپہنچا ،اسی طرح دس گرام سونا 342 روپے کے اضافے سے 2 لاکھ 42 ہزار 283 روپے کا ہوگیا۔چاندی کی فی تولہ قیمت 27 روپے کے اضافے سے 3406 روپے ہوگئی۔