فاطمہ فرٹیلائزر نے عاطف اسلم کیساتھ مل کر خصوصی نعت جاری کردی
لاہور (بزنس ڈیسک) فاطمہ فرٹیلائزر نے معروف گلوکار عاطف اسلم کے ساتھ مل کر رمضان المبارک کے موقع پر خصوصی نعت جاری کردی۔
عاطف اسلم کی آواز میں یہ نعت ‘ فاصلوں کو تکلف رمضان کے مقدس مہینے میں سامعین کو مسحور کرنے کا باعث بنے گی۔ یہ نعت محبت اور عقیدت کے جذبات کے ساتھ حضور اکرم ؐ کی شان میں پیش کی گئی ہے ۔ اس نعت کے اشعار مدینہ منورہ اور روضہ رسولؐ کی زیارت کی خواہش کو بیان کرتے ہیں۔ اس موقع پر فاطمہ فرٹیلائزر کی ڈائریکٹر مارکیٹنگ اینڈ سیلز، رابیل سدوزئی نے کہا کہ رمضان غور و فکر، قربت اور شکر گزاری کا مہینہ ہے ۔ فاصلوں کو تکلف کے ذریعے ہم مدینہ اور اس کی پرنور فضا کی محبت کااظہار کر تے ہیں۔ فاطمہ فرٹیلائزر اس بات پر یقین رکھتا ہے کہ رمضان کا مہینہ ہمیں خود شناسی اور شکر گزاری کا درس دیتا ہے اور یہ ان کسانوں کو خراج تحسین پیش کرنے کا بھی موقع ہے، جوہر وقت ہماری غذائی ضروریات پوری کرنے کی تگ و دو میں لگے رہتے ہیں۔ فاطمہ فرٹیلائزر ایک ایسا ادارہ ہے جو کسانوں کی خدمت اور یکجہتی کے فروغ کیلئے کام کر رہا ہے، اس طرح کے اقدامات کے ذریعے کمپنی ایمان، عاجزی اور ملک کی ترقی میں اپنا کردار ادا کرنے والوں کی خدمات کو اجاگر کرتی ہے۔ رمضان کے مہینے میں یہ کلام محبت اور یکجہتی کا پیغام دیتا ہے جو ہمیں دلوں میں مدینہ کی محبت کو سامنے لاتا ہے۔ یہ ویڈیو سرسبز فرٹیلائزر کے سوشل میڈیا پلیٹ فارمز پر دستیاب ہے۔
