ڈالرکی قدر میں اضافہ،تولہ سونا7800روپے مہنگا
کراچی(بزنس رپورٹر)انٹربینک میں پیر کو ڈالر کی قدر میں اضافے کارجحان جاری رہا، ادھرعالمی اور مقامی مارکیٹوں میں سونے کی قیمتوں میں بڑا اضافہ ریکارڈ کیا گیا۔۔
۔اسٹیٹ بینک کے مطابق انٹربینک میں ڈالر16 پیسے کے اضافے سے 281.22روپے پر جاپہنچا۔دوسری جانب عالمی بلین مارکیٹ میں سونا 76 ڈالر کے بڑے اضافے سے 3316 ڈالر فی اونس کا ہوگیا۔بین الاقوامی مارکیٹ میں سونے کے نرخ میں اضافے کے باعث مقامی سطح پر بھی فی تولہ سونا 7 ہزار 800 روپے کے بڑے اضافے سے 3 لاکھ 50 ہزار روپے پر جاپہنچا۔اسی طرح دس گرام سونے کی قیمت 6 ہزار 687 روپے کے نمایاں اضافے سے 3 لاکھ 68 روپے ہوگئی۔یاد رہے کہ ہفتہ کو سونے کی فی تولہ قیمت 2300 روپے کی کمی سے 3 لاکھ 42 ہزار 200 روپے ہوگئی تھی۔دوسری جانب چاندی کی فی تولہ قیمت 43 روپے اضافے کے بعد 3 ہزار 425 روپے ہوگئی۔
روزنامہ دنیا ایپ انسٹال کریں
