ڈالر کی قدر میں اضافہ تولہ سونا 3600روپے سستا
کراچی(بزنس رپورٹر)زرمبادلہ کی دونوں مارکیٹوں میں منگل کو بھی ڈالر کی پیش قدمی جاری رہی ،ادھرسونے کی عالمی اور مقامی قیمت میں دوسرے روز بھی کمی ریکارڈ کی گئی ۔
اسٹیٹ بینک کے مطابق انٹربینک میں ڈالر11پیسے کے اضافے سے 282.17روپے پر جاپہنچا۔فاریکس رپورٹ کے مطابق اوپن مارکیٹ میں ڈالر11پیسے مہنگا ہوکر 284.10روپے کاہوگیا۔دوسری جانب عالمی بلین مارکیٹ میں سونا36ڈالر کی کمی سے 3295ڈالر فی اونس کاہوگیا۔بین الاقوامی مارکیٹ میں سونے کے نرخ میں کمی کے باعث مقامی سطح پر بھی فی تولہ سونا 3600روپے کی کمی سے 3لاکھ 47ہزار 900روپے کاہوگیا۔اسی طرح دس گرام سونے کی قیمت3ہزار 86 روپے گھٹ کر 2لاکھ 98ہزار 268روپے ہوگئی۔یاد رہے کہ پیر کو سونے کی فی تولہ قیمت 2600روپے کی کمی سے 351500روپے ہوگئی تھی۔دریں اثناچاندی کی فی تولہ قیمت 60روپے کی کمی سے 3448روپے کاہوگیا ۔
