نیشنل بینک اور جوبلی لائف انشورنس کے مابین معاہدہ
کراچی(بزنس ڈیسک)جوبلی لائف انشورنس نے نیشنل بینک آف پاکستان (این بی پی) کے اشتراک سے مالی تحفظ کے دو منصوبے متعارف کروائے ہیں۔
جوبلی صحت شفا تکافل (شریعہ کے مطابق) اور جوبلی اعتبار پلان (روایتی نظام کے عین مطابق)۔ اس اشتراک کا مقصد پاکستان بھر میں عوام کو معیاری صحت کی سہولیات اور مالی تحفظ کی فراہمی تک رسائی دینا ہے ۔ معاہدے پر دستخط کی تقریب میں دونوں اداروں کے اہم نمائندگان نے شرکت کی، جن میں این بی پی کی جانب سے فیصل احمد ٹوپرا، گروپ چیف ریٹیل بینکنگ گروپ اور جوبلی لائف کی جانب سہیل فخر، گروپ ہیڈ کارپوریٹ اینڈ بنکاشورنس شامل تھے ۔جوبلی صحت شفا تکافل ایک ملک گیر، 24 گھنٹے دستیاب کیش لیس سہولت ہے جو ہسپتال میں داخلہ کوریج فراہم کرتا ہے اور علاج میں معاونت کرتا ہے ۔این بی پی کے گروپ چیف ریٹیل بینکنگ گروپ فیصل احمد ٹوپرا نے کہا کہ ہم جوبلی لائف کے ساتھ مل کر آسان شرائط پر قابلِ اعتماد انشورنس سہولیات فراہم کرنے پر فخر محسوس کرتے ہیں، جو مالی شمولیت اور طویل المدتی فلاح و بہبود کے فروغ میں مددگار ثابت ہوں گے۔ جوبلی لائف کے گروپ ہیڈ کارپوریٹ اینڈ بنکاشورنس سہیل فخر نے کہاکہ یہ شراکت داری ہماری اس کوشش کو تقویت دیتی ہے کہ ہم زیادہ سے زیادہ پاکستانیوں کو مالی سہولیات فراہم کر سکیں۔
