ڈالر282کی سطح پر واپس،تولہ سونا 300روپے مہنگا
کراچی(بزنس رپورٹر)انٹربینک مارکیٹ میں ڈالر کے مقابلے روپے کی قدر میں بہتری کا سلسلہ جاری ہے جس کے نتیجے میں بدھ کو روپیہ 283 کی سطح سے واپس 282 روپے کی سطح پر آگیا ، ادھرسونے کی قیمت میں اضافہ ریکارڈ کیا گیا۔
اسٹیٹ بینک کے مطابق انٹربینک میں ڈالر 10 پیسے کی بہتری سے 282.95 روپے پر بند ہوا۔ واضح رہے کہ گزشتہ روز انٹر بینک میں ڈالر کی قیمت 283.05 روپے ریکارڈ کی گئی ۔دوسری جانب عالمی بلین مارکیٹ میں سونا3ڈالر کے اضافے سے 3323 ڈالر فی اونس کا ہوگیا۔بین الاقوامی مارکیٹ میں سونے کے نرخ میں اضافے کے باعث مقامی سطح پربھی فی تولہ سونا 300 روپے کے اضافے سے 3 لاکھ 55ہزار روپے کا ہوگیا۔اسی طرح دس گرام سونے کی قیمت بھی 257 روپے بڑھ کر 3لاکھ 4 ہزار 355روپے ہوگئی ۔دریں اثنا چاندی کی فی تولہ قیمت 3963 روپے پر مستحکم رہی۔
روزنامہ دنیا ایپ انسٹال کریں
