فیصل آ باد بورڈ نے میٹرک کے نتائج کا اعلان کر دیا
فیصل آباد(خصوصی رپورٹر)بورڈ آف انٹرمیڈیٹ اینڈ سیکنڈری ایجوکیشن فیصل آباد نے امتحان میٹرک (سیکنڈ) سالانہ2024ء کے نتائج کا اعلان کردیا۔
۔کمشنر/چیئرپرسن ایجوکیشن بورڈ سلوت سعید نے کمپیوٹر کا بٹن دباکر رزلٹ آن لائن کیااوررزلٹ بورڈ کی ویب سائٹ www.bisefsd.edu.pk پر اپ لوڈ ہو گیا۔ امتحان میں 19104طلباء وطالبات شریک تھے جن میں سے 8119پاس اور کامیابی کا تناسب 42.5 فیصد رہا۔امیدواروں کیلئے 49، امتحانی مراکز بنائے گئے تھے ۔امتحان میٹرک (اول) سالانہ2025 ء کے داخلہ فارم سنگل فیس کے ساتھ27 نومبر،دو گنا کے ساتھ11 دسمبر اور تین گنافیس کے ساتھ24 دسمبر2024 ء تک جمع ہو سکیں گے ۔طلبا وطالبات کے بہتر مستقبل کے پیش نظر نتائج سنڈیکیٹ مارکنگ کے تحت تیار کئے گئے ہیں۔
روزنامہ دنیا ایپ انسٹال کریں
