سمندری :سماجی تنظیم کے زیر اہتمام فری میڈیکل کیمپ کا انعقاد
سمندری (نمائندہ دنیا )سماجی تنظیم سمندری ویلفیئرآرگنائزیشن کی جانب سے فری میڈیکل کیمپ کا انعقاد کیا گیا جس میں معروف ماہر ڈاکٹرز نے مستحق مریضوں کا مفت معائنہ کیااور آرگنائزیشن کی طرف سے مریضوں کومفت ادویات فراہم کی گئیں۔
تنظیم شہری دفاع کے امجدحنیف بٹ، محمدعتیق گجر، محمد ارشاد جٹ نے فری میڈیکل کیمپ کا دورہ کیا اورسمندری ویلفیئر آرگنائزیشن کی کاوشوں کی تعریف کی ۔چیئرمین سمندری ویلفیئر آئرگنائزیشن سلیمان ادریس بٹ،سینئر وائس چیئر مین ملک ندیم رضا، وائس چیئرمین خواجہ ناصر محمود،حافظ عثمان فریدی نے مہمانوں کااستقبال کیا۔اس موقع پر سلیمان ادریس بٹ نے کہا کہ سمندری ویلفیئرآرگنائزیشن مختلف شعبہ جات میں ہر ممکن اپنی گراں قدرخدمات سر انجام دے رہی ہے ۔
روزنامہ دنیا ایپ انسٹال کریں
