یونیک گروپ بحریہ ٹاؤن کی آرٹ اینڈ سائنس نمائش
لاہور (ایجوکیشن رپورٹر) یونیک گروپ آف انسٹی ٹیوشنز بحریہ ٹاؤن کیمپس کے زیر اہتمام سالانہ آرٹ اینڈ سائنس نمائش کا انعقاد بحریہ ٹاؤن میں کیا گیا۔
جس کی صدارت چیئرمین یونیک گروپ پروفیسر عبدالمنان خرم نے کی جبکہ اس موقع پر پراجیکٹ ڈائریکٹر بحریہ ٹاؤن کیمپس پروفیسر ملازم حسین اور ڈائریکٹر یونیک گروپ پروفیسر وسیم انور چودھری ان کے ہمراہ تھے۔ تقریب میں ننھے مصوروں کے فن پارے اور مستقبل کے سائنس دانوں کے پراجیکٹس کی نمائش کی گئی۔ اس موقع پر خطاب کرتے ہوئے چیئرمین یونیک گروپ پروفیسر عبدالمنا ن خرم نے کہا کہ آرٹ اینڈ سائنس نمائش کے انعقاد کا بنیادی مقصد طلبا میں پوشیدہ صلاحیتوں کو اجاگر کرنا اور ان میں چھپے ٹیلنٹ کو بھی سامنے لانا ہے۔ اس موقع پر انہوں نے پراجیکٹ ڈائریکٹر پروفیسر ملازم حسین کو سالانہ آرٹ اینڈ سائنس نمائش کے انعقاد کرانے پر خراج تحسین پیش کیا۔تقریب میں چیئرپرسن یونیک گروپ سعدیہ خرم نے خصوصی شرکت کی۔
