ایس پیز اور سرکلز کے ڈی ایس پیز کی مساجد میں کھلی کچہریاں
فیصل آباد(سٹاف رپورٹر)سٹی پولیس آفیسر ڈی آئی جی کامران عادل کی ہدایت پر مختلف ٹاؤنز کے ایس پیز اور سرکلز کے ڈی ایس پیزنے اپنے اپنے ٹاؤنز اور سرکلزمیں کھلی کچہری کا انعقاد کیا۔
ایس پی جڑانوالہ ڈویژن ضیائالحق کی عوام کے مسائل کے حل کیلئے اور عوام کو ان کی دہلیز پر انصاف مہیا کرنے کیلئے جامع مدنی مسجد تبلیغی محلہ سلطان ٹاؤن جھال علاقہ تھانہ صدر جڑانوالہ میں جمعہ کی نماز کے بعد کھلی کچہری کا انعقا د کیا ،ایس پی مدینہ ڈویژن سعد ارشد نے جامع اتفاق مسجد علاقہ تھانہ مدینہ ٹاؤن میں نماز جمعہ کی بعد کھلی کچہری کا انعقاد کیا جبکہ ڈی ایس پی کوتوالی عامر سلطان نے جامع مسجد نورانی گلفشاں کالونی علاقہ تھانہ جھنگ بازار میں نماز جمعہ کے بعد کھلی کچہری کا انعقاد کیا ۔ افسران نے لوگوں سے خطاب کرتے ہوئے کہا کہ امن و امان کا قیام اور عوام کی جان و مال کا تحفظ ہماری اولین ترجیح ہے ۔
