انڈے بیچنے والے 13 سالہ لڑکے کے قاتل گرفتار
فیصل آباد(سٹاف رپورٹر)13 سالہ انڈے فروش لڑکے کے قاتلوں کو گرفتار کرلیا گیا۔ڈجکوٹ میں دو ہفتے قبل 13 سالہ انڈے فروش عبدالقدیر کو نامعلوم افراد نے زیادتی کے بعد تیز دھار آلے سے قتل کردیا۔
اہل خانہ کی درخواست پر پولیس نے مقدمہ درج کرکے ملزموں کی تلاش شروع کی اور گزشتہ روز کھوجی کی مدد سے مرکزی ملزم سمیت 3 کو گرفتار کرلیا۔ ذرائع کے مطابق ملز موں نے لڑکے کو انڈے خریدنے کے لیے بلایا اور حویلی میں لے جا کر زیادتی کا نشانہ بنانے کے بعد پکڑے جانے کے خوف سے چھری کے ساتھ اسے قتل کردیا۔ مرکزی ملزم جنید، مجاہد اور فریاد کی گرفتاری کے لیے جدید طریقہ تحقیق استعمال کیا گیا۔ والدین کے مطابق بیٹا ساتویں جماعت کا طالبعلم تھا جو اپنے لیے سائیکل خریدنے کی خاطر رات کو گاؤں میں انڈے فروخت کرتا تھا۔
روزنامہ دنیا ایپ انسٹال کریں
