چناب نگر میں گٹکے کی سرعام فروخت،پولیس خاموش
چناب نگر(نامہ نگار )گٹکے کی سرعام فروخت،نوجوان نسل گٹکے کے نشہ میں مبتلا ہونے لگی، چندپیسوں کے لالچ میں تاجران نوجوان نسل کے مستقبل سے کھیلنے لگے۔۔۔
تفصیلات کے مطابق چناب نگراوراس کے گردونواح میں مضرصحت گٹکے کی سرعام فروخت کی جارہی ہے اور دکانوں پر کھلے عام پانچ روپے کاپان پراگ ون ٹوون اور جے ایم انڈین گٹکافروخت کیاجارہاہے ایک دکاندرنے نام نہ بتانے پر بتایا کہ مختلف مقامات پران بھارتی گٹکہ کے ہول سیلرز سے یہ گٹکہ باآسانی مل جاتاہے اور ایک پیکٹ کی قیمت صرف پانچ روپے ہیں جس میں سے ہمیں دوتین روپے فی پیکٹ بچ جاتے ہیں دکاندارنے بتایا بھارتی گٹکہ کی بہت مانگ ہے اور زیادہ تر ٹین ایجرزاورنوجوان طبقہ اس کوشوق سے کھاتاہے۔ اس حوالہ سے جب ڈاکٹرزسے پوچھاتوانہوں نے بتایا کہ گٹکہ میں موجود کیمیکل اورتیزاب گلے منہ کے کینسرکاباعث بنتاہے اوراسکوریگولراستعمال کرنے والا چندسال میں ہی گلے اورمنہ کے کینسر میں مبتلا ہوجاتاہے شہریوں نے ضلعی انتظامیہ سے مطالبہ کیاکہ فوری طورپر بھارتی گٹکاسمیت مقامی گٹکا کی فروخت پر پابندی عائدکی جائے اوران کو سپلائی اور فروخت کرنے والے ہول سیلرز کے خلاف سخت قانونی کارروائی عمل میں لائی جائے ۔
