زبوں حالی کی وجہ تعلیمات رسول پاک ؐسے روگردانی : احمد فیض
ٹو بہ ٹیک سنگھ (ڈسٹرکٹ رپورٹر )دارلعلوم مہریہ رضویہ کے مہتتم صاحبزادہ قاری احمد فیض گو لڑوی نے کہا ہے کہ دنیا و آخرت کی کامیابی قرآن و سنت کی تعلیمات پر عمل کرنے سے ہی حاصل ہو سکتی ہے ۔
ان خیالات کا اظہار انہوں نے جامع مسجد گلزار مدینہ ریلوے کالو نی میں 129ویں ماہانہ درس قرآن و حدیث کی محفل سے خطاب کرتے ہوئے کیا ،محفل میں مقامی علماء ،نعت خوانوں اور شہریوں کی کثیر تعداد موجود تھی ۔ صاحبزادہ قاری احمد فیض گو لڑوی نے مزید کہا کہ رسول پاک ؐکی مقدس اور نورانی تعلیمات پر عمل پیرا ہو کر ہم دنیا و آخرت میں کامیابی حاصل کر سکتے ہیں،آج ہماری زبوں حالی کی بنیادی وجہ تعلیمات رسول پاک ؐسے روگردانی ہے ۔اس موقع پر دیگر علماء نے بھی اظہار خیال کیا۔
روزنامہ دنیا ایپ انسٹال کریں
