چنیوٹ:جون میں پولیس ہیلپ لائن پر 15ہزارکالز موصول
چنیوٹ(ڈسٹرکٹ رپورٹر)پولیس ایمرجنسی ہیلپ لائنپکار نمبر 15 کی گزشتہ ایک ماہ کی کارکردگی رپورٹ جاری کر د ی گئی ۔ گزشتہ ماہ جون میں ہیلپ لائن پر 15ہزار سے زائد کالز موصول ہوئیں ،2500سے زائد کالز پر فوری کارروائی کرتے ہوئے شہریوں کو مدد فراہم کی گئی ۔
گزشتہ ماہ 1800سے زائد کالز پر شہریوں کی راہنمائی کی گئی ۔ایمرجنسی نمبر15پر موصول کالز میں سے 11ہزارسے زائد کالز غیر ضروری،غیر متعلقہ اوربوگس تھیں۔ پولیس ہیلپ لائن پکار 15 پر جھوٹی کال کرنے والے 13 کالرز کیخلاف مقدمات بھی درج کئے گئے ۔ اس حوالے سے ڈسٹرکٹ پولیس آفیسر عبداﷲاحمد کا کہنا تھا کہ شہری صرف ایمرجنسی صورت میں پولیس ہیلپ لائن 15 پر مدد کیلئے کال کریں ،15 پر مذاق میں کی گئی بوگس کال آپ کو جیل بھیج سکتی ہے ، ذمہ دار شہری ہونے کا ثبوت دیتے ہوئے پولیس ہیلپ لائن 15 پر غیر ضروری کال سے اجتناب کریں۔
