ڈپٹی کمشنر چنیوٹ کا پیرافورس آفس کا دورہ ، عملہ سے ملاقات
چنیوٹ(ڈسٹرکٹ رپورٹر )ڈپٹی کمشنر چنیوٹ صفی اللہ گوندل نے پنجاب انفورسمنٹ اینڈ ریگولیٹری اتھارٹی (پیرا)PERA آفس کا دورہ کیا اورپیرافورس و عملہ سے ملاقات کی۔ایڈیشنل ڈپٹی کمشنرریونیو رانا محمد عمر بھی ہمراہ تھے۔
ڈپٹی کمشنر نے پیرا فورس کی ورکنگ کے بارے میں دریافت کرتے ہوئے انتظامی و حفاظتی اقدامات کا جائزہ لیااورمختلف امور کے حوالے سے موقع پر احکامات جاری کئے۔ڈپٹی کمشنر نے ختم نبوت چوک میں پیرا کی نئی زیرتعمیربلڈنگ کا بھی دورہ کیااور تعمیراتی عمل کا مشاہدہ کرتے ہوئے ایکسین بلڈنگز کو تعمیراتی کام میں تیزی لانے کی ہدایت کی۔انہوں نے کہا کہ شفافیت کو ہر صورت ملحوظ خاطر رکھا جائے اور بلڈنگ کا تعمیراتی کام مقررہ ٹائم فریم میں مکمل کریں۔
روزنامہ دنیا ایپ انسٹال کریں
