ڈپٹی کمشنر جھنگ کا ڈسٹرکٹ ہیڈ کوارٹر ہسپتال کا پھر دورہ
جھنگ (ڈسٹرکٹ رپورٹر )صحت کی سہولیات کی فراہمی کے اقدامات کا جائزہ لینے کیلئے ڈپٹی کمشنر جھنگ علی اکبر بھنڈر نے گزشتہ روز بھی ڈسٹرکٹ ہیڈ کوارٹر ہسپتال کا دورہ کیا۔
اور مریضوں سے ادویات کی فراہمی اور طبی سہولیات بارے دریافت کیا، اس موقع پر انہوں نے زیر علاج مریضوں کو فراہم طبی سہولیات اور ادویات کی فراہمی سمیت ہسپتال کے مختلف شعبہ جات کا معائنہ کرکے محکمانہ سروسز اور کارکردگی کا جائزہ لیا۔ڈی سی جھنگ نے ڈاکٹرز وسٹاف سے ملاقات کرکے مریضوں کے علاج معالجے ،طبی سہولیات اور ہیلتھ سروسز بارے دریافت کیا اور مزید بہتری کیلئے موقع پر احکامات جاری کئے ۔ڈپٹی کمشنر علی بھنڈر نے کہا ہے کہ وزیر اعلیٰ پنجاب مریم نواز کی ہدایت پر ڈسٹرکٹ ہیڈ کوارٹر ہسپتال سمیت تحصیل ہیڈکوارٹر ہسپتالوں اور تمام مراکز صحت میں زیر علاج مریضوں کو فراہم ہیلتھ سروسز کو مزید بہتر اور مثالی بنانے کیلئے ٹھوس اقدامات کئے جا رہے ہیں، روزانہ کی بنیاد پر ڈاکٹرز و سٹاف کی حاضری سمیت دیگر انتظامی امورکوبراہ راست چیک کیا جا رہاہے ۔
