چناب نگر: ڈی پی او چنیوٹ کی کھلی کچہری، عوامی مسائل سنے
چناب نگر (نامہ نگار )ڈسٹرکٹ پولیس آفیسر چنیوٹ عبد اللہ احمد نے تھانہ چناب نگر میں کھلی کچہری کا انعقاد کیا۔ عوامی خدمت، پبلک سروس ڈیلیوری میں بہتری اور بروقت انصاف کی فراہمی کے لیے اقدامات جاری ہیں۔
کھلی کچہری میں سرکل ڈی ایس پی، متعلقہ ایس ایچ او، تفتیشی افسروں اور اہل علاقہ کی بڑی تعداد نے شرکت کی۔ڈی پی او نے عوامی مسائل سنے اور ان کے فوری حل کے لیے موقع پر ہی احکامات جاری کیے ۔ اس موقع پر گفتگو کرتے ہوئے انہوں نے کہا کہ کھلی کچہری کا مقصد عوام اور پولیس کے درمیان اعتماد کی فضا کو مزید مضبوط کرنا ہے ۔انہوں نے بتایا کہ سرکل ڈی ایس پیز اور ایس ایچ اوز مختلف علاقوں میں کھلی کچہریاں لگا کر عوامی شکایات سن رہے ہیں۔ ان کا مزید کہنا تھا کہ تمام پولیس اسٹیشنز میں سروس ڈیلیوری کو بہتر بنانے کے لیے پولیس ورک کو جدید خطوط پر استوار کر دیا گیا ہے ۔ اب عوام کو تھانوں اور دفاتر میں پولیس خدمات کے حصول کے لیے بہتر ماحول فراہم کیا جا رہا ہے ۔ڈی پی او نے کہا کہ شہریوں کے جان و مال اور عزت کی حفاظت کو یقینی بنانے کے لیے جرائم پیشہ عناصر کے خلاف کریک ڈاؤن جاری ہے ۔ امن و امان کے قیام کے لیے قانون کی بالادستی کو ہر صورت یقینی بنایا جائے گا۔
