ہر پاکستانی کیلئے 9مئی یو م سیا ہ ،28مئی قا بل فخر :میر ابرار احمد
عالم چوک (نامہ نگار)صدر مسلم لیگ ن ترکیہ میر ابرار احمد نے کہا ہے کہ ہر پاکستانی کیلئے 9مئی یو م سیاہ جبکہ28مئی قا بل فخر دن ہے ۔۔۔
دنیا کے دبائو کے باوجود28مئی کو ایٹمی دھماکے کرکے لیگی قیادت نے ملکی دفاع کوناقابل تسخیر بنایا،اب بھی28مئی پاکستان دشمنو ں کوہضم نہیں ہو رہا جبکہ 9مئی پر پاکستان دشمن خو شی سے نڈھال ہیں ۔ انہو ں نے کہاکہ پی ٹی آئی جس طرح بنائی گئی اسی طرح اس کا جنازہ نکل رہا ہے ، یہ ایک غیر فطری پارٹی تھی اِدھر ادھر سے لوگوں کو لا کر عمران خان کے ساتھ جمع کیا گیا، پی ٹی آئی چھوڑنے والے کئی سابق اراکین قومی اسمبلی پیپلز پارٹی اور مسلم لیگ(ن)میں شامل ہونے کے خواہش مند ہیں، میراخیال ہے ایسے لوگوں کو پارٹی میں کبھی بھی نہیں لینا چاہیے ۔انہو ں نے کہاکہ9مئی اور28مئی پاکستانی تاریخ میں ہمیشہ یاد رکھے جانے والے دن ہیں، کا ش کہ پی ٹی آئی والے ایٹمی دھماکوں والے مہینے میں فو جی تنصیبات پر حملہ نہ کر تے قوم ملک کے دفاع کو نا قابل تسخیر بنانے کیلئے ایٹمی دھماکے کرنے والے میاں نواز شریف کوہمیشہ خراج تحسین پیش کرتی رہے گی۔
